菲律賓前警員脅持香港旅行團事件

相信好多人都唔明白，點解成件事發生接近九小時，當地嘅所謂特警至有明顯拯救行動，各位特警，成個下午你們在搞什麼？

大白天咁多時間，真係少少機會都搵唔到制服狂徒？特警們咁好眼界，黑夜中都可以擊中狂徒，點解日光白白都搵唔到機會？係咪太過老定，以為狂徒發下皮四，結果都會棄械投降？

最睇唔過眼係，喂，大老，條命仔唔係你嘅，都唔該做嘢爽手啲吖，個個慢條斯理，仲有，攞過搥仔打爛窗呢個行為，算係咩好點子？

另一個問題係，我覺得佢哋好似比較怕死，郁少少就縮一縮。結果現在至少八位團友死亡。