1，一條友行街搵攝影堂的道具，點知比阿蛇查，喂，"身光頸靚"唔講得，不過天寒地凍著 T 恤唔係罪唧。後尾我諗，可能我右手慣性會摸個手電仲係咪響個斜袋度，以為我唔知有咩武器之類收埋。
2，攝影堂要影 M&M，一早出街搵搵準備好晒，點知到開波set道具時先發覺買錯款，扁的變了攬球型的，噢，心諗大鑊咯，點算呢？不幸之中有幾二個 layout ，勉強可以用攬球型的 M&M 頂住。(M&M其實係想扮圍棋來影相的，買錯你話係咪真係估你唔倒先？)
3，同一堂，成隊人辛辛苦苦 set 好 M&M 準備影相，諗住再微調少少，點知又係我，係，又係我，唔小心整跌晒 M&M，又要再砌過，雖然再砌過又靚過第一次，但唔小心就係唔小心嘛，結果成半堂比班友仔話我黑仔王，仲衰到叫我唔好埋去幫手呀下，妖~~~XDXD
各位有興趣証實自己08年運程的朋友，即管搵我幫手啦，睇你點市~~~XDXD
