人生第一部手提電腦

um~~識我的朋友都知我話買手提電腦，都....有三幾年咯，須知小弟家貧，入市都真係要睇時機同自己荷包。結果，時機到了，今晚就買了人生第一部手提電腦。

是為蘋果剛剛係上一代的電腦，全市優惠價近八折購入，可能心理準備做得足，又或者人大了，浪費金錢的感覺冇咁強。須知八折其實都唔平嘛...

希望呢部腦聽聽話話，一路用到換機為止。

終於都買到了

話說書展前就睇中一本記錄香港的畫集《粉末都市－消失中的香港》， 不過基於臨近書展，冇理由唔等埋就買，係咪先？不過到你有時間去書展，sorry，買晒！

幫襯了其他，嘿，送現金券。滿心歡喜諗住去券上其中一間分店買，sorry，一樣買晒。使唔使咁好買呀？結果響另一間搵到，yeah~~~

同是今日，幫了攝影班同學的朋友影相，幾好玩，希望有貨交啦。^^

Album Art Screensaver

有日行過蘋果經銷商，show左個CD封面不停轉既screensaver，嘿，幾正喎，雖然我有預感多數係MAC機內置既screensaver，不過互聯網咁大，話唔定有人會放上網"與人方便"呢(大安旨意)，結果上網搵呀搵，比我搵到佢，Album Art Screensaver，專比視窗用既。佢比蘋果既方便好多，除左可以支援iTune內mp3 cover外，仲可以比你揀只係用jpg file做來源，變相唔使一定裝iTune至有得玩，yeah~~~^^

另一重點，呢個軟件係FREE既，不過作者接受支助，大家或者可能可以........

系統要求：.net 2.0以上，WINXP or VISTA。

天災

四川7.8級大地震

多謝多謝

番工第二日，本來想比較穩定至向外宣佈，結果比朋友來電撞破，Well，結果今晚飯局變相有人請，多謝各位朋友的關心，知我有工開請食飯慶祝，錫晒您地~~>3<

吹水

大家都明，人總有一兩個好朋友可以無所事事都吹番三兩句鐘的，當然，傾得十幾分鐘或更少的更大有人在。不過對於今晚(朝)的對手W小姐，唔.......印象中單對單傾閒計的次數真係五隻手指數得晒。今晚係其中近期的一次(廢話)，朋友生日慶祝完太夜當然要完好無缺咁護送歸家，但不知哪裡來的慶致，在屋企樓下說的說的，傾了個多小時(印象中咁上下)，您可以覺得我小題大做，不過事實係，我同W小姐雖然相識多年，兩條友仔三更半夜傾計當然天方夜譚啦，但平常坐底食飯的次數都唔多見，所以今晚呢個歷史性對話，係咪破天荒先？傾乜？話明吹水，sure樣樣都講下啦，噓~~

噢，作到好誇張，其實我想講的是，朋友冇人嫌多，相識咁耐，認識其實唔算好深，希望從今開始，又多個可以無所事事都吹番幾粒鐘的朋友。

肥姐

開心果沈殿霞(1945-2008)

08年第一批模特相

感謝同學Connie及模特Vinci。
不過唔好問我點約佢影相，我都係好順便咁影了少少，幫唔到咩手的。

後註：model唔想批相見街，要delete。

D3 試機相

nikon新機上市有試影會，身為窮人的我，買一定唔會，不過試下都好丫，好！如其他新聞所講，noise control好到冇朋友，iso 6400影竟然冇咩noise，正！雖然係咁，但我唔會心郁的~~~XDXD

D3

幪面超人

有冇一個展覽係會睇兩次呢？我舊年就試過兩次，一次係大意，另一次係專登。

幪面超人呢次，就係大意。大意在我竟然唔為意果少少展品都要分兩個場地，結果睇完其他影友的相至知有另一個展場，嘿，冇既，比多一次錢入場之嘛.......

另一個比較奇怪就係，唔知係咪運送問題，我發覺有部份展品竟然有破爛，定係明知以後唔會再用，所以爛了都話之佢呢。

全組相

08黑仔王

1，一條友行街搵攝影堂的道具，點知比阿蛇查，喂，"身光頸靚"唔講得，不過天寒地凍著 T 恤唔係罪唧。後尾我諗，可能我右手慣性會摸個手電仲係咪響個斜袋度，以為我唔知有咩武器之類收埋。

2，攝影堂要影 M&M，一早出街搵搵準備好晒，點知到開波set道具時先發覺買錯款，扁的變了攬球型的，噢，心諗大鑊咯，點算呢？不幸之中有幾二個 layout ，勉強可以用攬球型的 M&M 頂住。(M&M其實係想扮圍棋來影相的，買錯你話係咪真係估你唔倒先？)

3，同一堂，成隊人辛辛苦苦 set 好 M&M 準備影相，諗住再微調少少，點知又係我，係，又係我，唔小心整跌晒 M&M，又要再砌過，雖然再砌過又靚過第一次，但唔小心就係唔小心嘛，結果成半堂比班友仔話我黑仔王，仲衰到叫我唔好埋去幫手呀下，妖~~~XDXD

各位有興趣証實自己08年運程的朋友，即管搵我幫手啦，睇你點市~~~XDXD