花生騷

先多謝'麻煩妹'，帶我睇了人生第一次自以為係正宗的花生騷，雖然都係花生騷，不過同其他什麼的fashion week比呢，又係另一回事。因為我地睇的係服裝形象設計，所以跟本冇幾十個model行show，又因為咁，個show好快行完，真係好快！

不過都有靚靚的model近距離睇，都可以啦~~XDXD

一個人住第5年

早前從朋友w中借了《一個人住第5年》，講述單身族獨居的二三事，輕鬆手法睇完當然會心微笑，當中瑣碎事總有一件半件大家生活中總會遇到。讀後份外有共鳴。^^

書名：《一個人住第5年》
作者：高木直子

生日禮物

小弟揀禮物送比朋友一向都有一個大原則──美觀同實用。ok，就算唔靚仔都要實用，如果送一個禮物給朋友而對方又用唔著的話，我會選擇唔送的！

所以為免臨時臨急揀錯或揀唔到禮物，一般都會早幾日，嘿嘿，對！係幾日前開始四出搵合心水禮物。

昨日朋友w生日食飯，為免今年又冇禮物送俾佢的關係，本來己有心水選擇，不過臨門一腳出事，結果快快入了沙田臨時補飛。好在朋友jj有一點求其又有一點好彩，在一間舖頭睇中一個銀包，唔......當一件事失去預算時，對某類事我的要求是可以降低的。而且個銀包樣都唔差喎，又實用，再重要係fit朋友jj的預算嘛。好，去馬。

席間朋友w想要埋同系列的散紙包，我想朋友jj的選擇是對的。下年生日禮物可以少煩惱咯。^^

舊相新相

因為待業中，所以多了時間，閒日可以去影相，所以有相出。
例景四

另一組係Pullip公仔相，都大半年了，給玩偶影相還是第一次。當日都好多人一齊影，因為隔著玻璃，所以要貼住玻璃影至可以將外在環境的影響減到最低，有位小姐就留意到呢點，齊齊影時談了兩句。
Pullip

又一mac網上雜誌

又有同好努力製作一個mac網上雜誌，真係要支持！

祝佢長做長有。

mac網上雜誌

我失業了

一直擔心的問題，今天終於發生了，我失業了！
怎麼說呢，常跟同事說，反正公司都給我們都待著，不如早點補錢解僱我們好吧！好了，到事情發生了，感覺總有點怪怪的，或許擔心找工作吧！又或許給公司解僱有點不習慣吧！

不過都好，當放一個短假吧！可以執執相，又或者再四圍拍拍新照片。近日天氣都很好，希望趕到尾水影番少少啦！

另一個安心，好彩我的敗家活動還沒開始，其他合約都差唔多到期，可以好好控制使費！

P.S.我呢種解僱係有賠償的，短時間生活都不成問題。yeah~~XDXD