開心其實好簡單

大節流流的聚會，真係好開心，又可以睇睇朋友的結婚相同video，不過最令大家開心的，係其中一位朋友買的其中一份禮物。因為係電子音樂擺擺蛇，所以基本上係會郁的，不過就係因為佢只有音樂而唔識郁，所以大家就以此搞爛gag，笑到走都係好開心，你話開心係咪好簡單呢~~~~XDXDXD

大澳

如果唔係因為影相，我估真係要等到影相至會入去。另一個原因係為了聽日份交換禮物著想，點都要出街踫踫運氣，實在一舉兩得！

其實用心想想，聖誕交換禮物點都想唔到會入大澳選購，唔通買大澳特產蝦膏咩？不過時間緊迫，點都要試一試，或者有意外驚喜呢，我估！

自由行的好處在於自由，所以你會估唔到睇倒見倒咩。一間應該係民間辦的關於大澳歷史民生既展館(其實係一間民居)，好多農村式的古舊用品展覽(不過唔比影相)，最有印象係一些超細的半透明膠花拖鞋，大大對我都用過，咁細真係少見。

由於經費關係，展館售賣一些明信片，如果要我買蝦膏當禮物交換的話，我信一定比人炳到七彩的，所以就發揮一舉兩得精神，我的交換禮物.....嘿嘿，明信片！

至於相呢.......咳咳，有的有的！

彌敦道兩岸

實在，睇舞台劇/話劇的經驗真係唔係太多，所以友人邀約欣賞，而且又係唔多知道的劇團搞的，都有少少懷疑唔知好唔好睇。不過消費適中，就當幫自己增多兩錢經驗同文化氣息吧！

或者係自己唔聽書的關係，總覺得以記敘形式來講故事的效果唔算好出，而且每小節過場時間有少少長，令人覺得整個故事唔夠一氣呵成！不過當致謝的時候，看見監製/主演的女主角七情上面地唯恐說漏致謝單位時，是可以感到她們的誠意的。

灣仔劇團《彌敦道兩岸》

唔該晒

多謝minlota，多謝sony，因為咁我至有機會影下泳裝相，唔好誤會呀，只係因為機會少，所以登記試機活動就選擇泳裝活動。唔係自己用開的牌子就真係雞手鴨腳，平時在舖頭大把時間運吉，用得還算得心應手，一落場打真軍，真係幾咁想用番自己部機影！不過當然主辦單位係冇咁蠢的！所以用大會相機基本上就..........咳咳。

如今的model係咪好易做呢？唔知道，或者睇睇我個gallery您會搵倒答案~~
A100-event

運氣

沒什麼的，純為show下自己絕無僅有的運氣，係咁！XDDD

腳架帶


教學dvd

我的桌面一

問：OS為？
Windows XP sp2。

問：這台是你的個人電腦？還是公司或家人共用的電腦?
個人的。

問：這張桌布是什麼? 從哪裡取得的?
桌布是日本佳能數碼相機的一張樣版相。

問：更換桌布的頻率高嗎?
合心水桌布不多，所以不常換~~):P

問：桌面上有幾多個ICON?
圖示一共8個。

問：一堆檔案和捷徑放得亂七八糟的桌面，你看得下去嗎?
個人喜歡少圖示，所以不會放得亂亂的！

問：有沒有什麼堅持點?
同上！

問：有為了填這份接力, 還特地整理一下嗎?
平常都是如此，所以沒刻意整理。

問：最後請再傳給5個「我想看看他的桌面」的人。
這個不會吧，有緣自會看得到的！XDXDXD

我做緊乜呢？

今日有幸跟隊一齊影相，其實主要係用影樓燈影相，本來係應該高興的！
不過一路拍攝，總不停問自己做緊乜呢？以前係好少咁樣的！跟住又發了同行影友的老皮，好彩大人有人量，唔同我呢個煩人計較，謝謝！

或許，或許可能係新一次進步的啟示都唔定~~~):P

天真的我希望如此......

再恭喜‧再恭喜

話說小弟既另一位model好友今日成家，祝佢快快樂樂，生個肥肥白白的小朋友！

嘿嘿，差點唔記得，記得派利是比我呀~~~XDXDXD

恭喜恭喜-後記

哈，都話書到用時方恨少，所以當要寫人情信封的時候，真係唔知點署名，因為今次朋友係女家，所以唔知點寫。結果....用了英文名，唔....真係有少少難為情，不過難為情的中國人唔只我一人，仲有一齊去飲的幾個朋友。XDXDXD

可能大家都為新人高興，所以婚禮完了都唔願歸家去了coffce shop傾計。因此就有了以下呢張相！太舊的車香港唔多見，而又停定等你睇倒又影倒更機會難得！手機出動.....

恭喜恭喜

今日係好朋友J小姐同W先生結婚之喜，在此祝佢地永結同心、三年抱兩、愈黎愈恩愛！^^

新舊之間

千萬唔好以為係新相，其實影了很久了，不過自己事，就等得就等，所以一等又一年了！

通常是如此的，不用交待就自然懶起來！XDXDXD

是日關門一天

電腦無故死機，今日又要由頭裝一次部腦，煩~~~~
有部份資料唔記得backup就刪除了，真係唔知黐左邊條線！！！！！@@

搬新屋

係咪一心諗住摺埋就連少少既禮貌都唔比呢？唔知！
總之依家有間新屋，希望唔好咁快又拆啦~~

新屋地址，有緣的來坐坐吧！！^^
news://news.nntp.hk/interest.stylishphoto
http://www.nntp.hk/webnews/interest.stylishphoto.html
http://webnews.nntp.hk/interest.stylishphoto

一生人的第二次

好少機會影雙人相，記得上次係幫另一位朋友影的，又好難得事主同佢身邊朋友都叫好叫座，所以都幾開心，雖然都幾怕執相，不過老朋友+準新人+有眼光搵我影(衰到呢)，冇計啦~~~^^

相薄Joann & Wayton

又食又拎

今日參加了D80的試影會，隨了有專家分享，當然唔少得有MODEL影啦。有小點招待雖然唔奇怪，但都唔係時時有。所以都幾滿意安排，但最意想唔倒係記念品，可能我少JOIN NIKON EVENT，對上一次都好似係得支小腳架。今次呢：有風扇、小電筒、時間計數機同大大NIKON LOGO環保袋，都好似幾重手，今次真係又食又取！haha~~^O^

賀禮

是為了偷懶好，為了呢份賀禮好，又或者有大假唔好益公司好，結果今日我係DAYOFF的，平常日子人人清醒我獨醉，呢種感受好難形容的！

或許有先見之明，如果唔係呢份賀禮真係唔知點算，以為快快手手搞掂，結果用了8小時才完成，噢，點解會咁，係你科技差定我時運唔好呢？

高興

朋友J ＆ W派帖，當然係相約所有朋友當面派啦，難得近幾年好少見面E師奶都比面出現，沒想到己經腹大便便的她都就快生得，多年朋友個個都成家立室，真係為佢地高興！

雖然E師奶多年冇見，不過感覺好似沒有多大改變，仲好似幾FRIEND，唔知佢係咪咁諗呢？希望佢順產，母子平安！

又一個貨不對辨例子，J ＆ W在台灣影的一輯婚紗相，實在都差得幾遠，至少影到J小姐變16：9面，就己經可以唔收貨啦，仲執到咁白！

總括今晚氣氛好好，係少有一次咁好！nice~~

香港人的不驕傲

雖然很多地方的傳媒都對名人新聞有興趣，不過相信只有香港的傳媒可以做出如此令人難以想像的事情！又很難想像一位女藝人更衣對大眾有何娛樂！完全可以理解有意圖有目的的偷拍更衣過程，還理直氣壯的登上週刊封面！很難想像娛記可以到這地步，如果今次群眾的反對都不能對付這類敗類，我想年青一代或新生代會如何對待這類刑事化行為！因為有代表作嘛，大大本週刊拍了發表了都可以無事，仲可以加印都買光，唉，香港人.....

近日有週刊封面標題是“阿嬌贏了”我想阿嬌跟本不希望這事會發生，再者，依家連底片都未取回，算咩贏呢？等真係可以斷尾再講啦！

希望，呢本週刊真係可以消失於香港，風氣難改，但少一本得少一本！

阿嬌，努力面對，大眾會支持妳的！！

OT

依家仲在公司，唔知今晚可以幾點走~~~~

好天到咁

真係好好天，SX313為證！！！

............

有冇好天到咁呀~~~~@@

私影第二場(上)

難得找來麻豆私影，更難得少搞活動的我出手，可是天公不造美，陰天就夠掃慶，沒想到還打雷落雨。噢，好端端既一次活動，滿有興緻的影友，就弄到半身半濕，幾乎(其實直頭定了案)可以打消今次活動。而我當時只想兩件事：
一、雨落得咁大，如果唔影，點走呢？
二、今日仲有無機會影少少當還心願呢？

雨落得大半小時後，有轉機了，雨開始停，天色又光了點，總算還心願影了少少，不過實在無想過天氣咁差，所以.........

僅餘少少的運氣，是景點附近有一個海邊小小小小餐廳(其實都幾難形容的)，有個幾大的蓬，剛好給我們幾個迷途小羔羊避雨，當然我們都有幫襯的！

希望，希望我再身痕時，天公可以發放一下對我的奇跡！！

最後要謝謝麻豆捱義氣私影，萬分感謝！！

私影第一場(上)

關於什麼天氣著什麼衫，我是不大搞得懂的，例如冬天著夏天衫、冬天要麻豆著夏天衫影相等等！或許我太過以為其他人和我一樣，不怕寒冷(其實還有一點點的，不然就不會冬天懶床不起)，當然，我是不可能在風和日麗的夏天著冬天衫，同樣這個不可能的任務，不會發生在麻豆身上。所以今日要麻豆著上冬天衫影相，我是有點後知後覺的難為情的。不過之前幾日還有雨，意想不到！

還好，活動中的同好不像我般呆，所以不致令麻豆受害！不過就要白帶衫出來，在此對麻豆說句對不起！

另外要多謝Daniel幫手做板僮，萬分感謝！

想不到在舊工廠區拍攝都要申請，香港還有何處可以影相呢？讓我想想~~

wow~~~又搞掂一個

終於終於又執好一組相。
朋友J，到妳勒，放心~~~~仲有，咪吹呀！！！

成輯相

禮物一

有時都唔到您唔信邪，本諗下買唔買新球拍，幾日前自然有人好似偷聽左咁買黎送比你，雖然都幾順便，但都岩用，多謝W小姐！

新拍落地(真係落左地，因為甩手，幾乎比人炳)，都幾輕，打到"佛佛"聲！

人有時係好無聊，去了YY網搵下塊拍有咩資料，答案係冇既。做乜咁多手呢...=_=

生日快樂

嘿，又一年生日，非常多謝同我慶祝既一班朋友仔，同埋面慒到明明今年乜都冇送比佢但都買禮物比我既朋友R，多謝您，我話過，出年一定出盡力買禮物比您既！

朋友J，希望你唔為我都為下自己，出黎見下我地啦，Please~~~

Photoshop專家分享

可能係小弟英文唔好，聽得一頭霧水，總覺得今年專家分享的專家唔係幾對路，印象中上年都至少有三位外國photoshop能手做講者，我唔係話外國月亮一定圓又靚，但今年講既野好似......................

不過有樣好，包個健康午餐，好味~~~^O^

加場加場，爆滿爆滿

真係唔知有冇搞錯，三個身位咋，就冇曬D門票，軟硬，快D開ver 2呀！

四年後再見

世界杯終於完結勒，好多憒憾，英格蘭、巴西出局，德國只可以爭第三，法國輸左得第二，施丹臨完場比紅牌出場！

最慘係一晚睇住兩隊總子隊出局，你話心情幾難受呢！

不過好好彩，今年有軟件既幫助，可以好似上左身咁睇曬咁多場比賽，真係唔講得笑！

施丹，你永遠係我地既球皇！

4年後唔知仲有冇blog呢？總之4年後見啦~~~^^

復工

終於睇完分組賽同八強，可以有少少空檔執番相！
先搞掂之前做HELPER的相，今次貼了好多相，就比我任性一次啦！

相簿連結：photolover event

呵呵呵

yeah，生日月係唔同D既，套軟件終於support倒我個blog勒，以後唔使野野要login至打倒blog勒~~~^O^

text

今次得唔得呢？

回味

久違左好多年既粽，今年食番，仍然令人回味。更令我回想以前住舊屋村時家家戶戶好開心咁一齊慶祝既情況，雖然印象都幾淡，但仍然係令人響往既日子！！

Macbook

好明顯係遲好多好多既，不過都要推介下，macbook係我杯茶，不過都係忍忍唔好做白老鼠住！



但....點解要同Macbook pro一樣咁熱呢~~~唉~~~@@

無良既二手買家，bye bye~~~~

Dell...........你想點呀?

dell一定想到Mac OS X想到發傻定勒~~~XDD

貓

朋友比左條link我，好得意既貓movie，有興趣去睇下丫~~^O^

貓貓貓

麻煩

點解呢？好難得在PC上搵倒個FREE既write blog既軟件，但唔知blogger搞咩，個軟件發唔倒文章，又要上網搵料解決~~~唉~~~@@

黐左線

notebook呀，我就黎黐格勒~~~

危機

今日比人讚影snapshot比影人像好，都幾反高潮！ XDDDD
都係要努力一點拍人像至得咯！

我地真係冇緣份

邊個話網上BID野好好格，最近我就有呢方面既經驗勒。

例一，某日在拍買網站，睇倒一部NOTEBOOK，標價OK喎，昅左幾日，終於落價，好彩喎，又比我呢個唯一出價BID倒喎（其實都諗過件貨可能有問題，不過點都要試一試）！點知，吹左賣家幾日，覆番EMAIL話私下買左勒，真係比佢激死！！

例二，又某日在拍買網，見倒部幾舊既NOTEBOOK，心諗，舊機一部唧，應該唔會有太多人出價唧，點知，各位出價真係堅，收市價拍得住街舖既價錢，我真係好想知，佢地知唔知果部係舊機呢？使唔使出咁高價買呢？我又真係黑仔到買唔倒呢？

結果，証明我同呢個牌子既NOTEBOOK冇緣~~~唉~~~

恭喜

因為有朋友結婚，所以應要求與友人同呢對準新人影一次相，事前知道佢地會去台灣影婚紗相，所以影法比較自然，唔太要求點擺POSE。事實都証明我呢對友人係好合拍既，同我預期中既拍法好接近！
事後睇番相，都好彩有相佢地滿意，因為都有一段時間冇私影，好怕失手！！XD
見倒友人咁合拍，真係為佢地高興，祝佢地白頭到老啦！！
雖然仲有一段時間佢地至註冊，希望到時執得切相啦~~XDD

估佢唔到

蘋果電腦最近推出左個bootcamp，令一眾希望可以響蘋果機度裝windows既用戶，真正輕鬆簡單咁可以做到勒，Steve Job，你係得既！！！

誤會

最近呢一段日子，先發現一直存在的問題，問題的所在，只係一點點小誤解、小偏見，但想唔到會搞到咁難收科，我諗我真係太樂觀！又或者，係咪真係樣樣事都要睇得太執著呢？睇開少少唔係會開心D咩？

我想我唔可以代答，因為偏執，從來唔係三言兩語能夠化解！

但願有一日，人學懂一點，會放開一點！

歷史

最近得閒無事做，睇番自己blog的舊post，原來呢個web 2.0既產品都寫左好一段日子，時間真係快過~~

攝影論

呢兩日在網上睇NEWS時，睇到一篇BLOG文，是講現代業餘攝影人既面面觀！倒是非常精景，每次我睇完呢類貼文都會心微笑，因為講中好多現時業餘攝影的一些問題，其實係眾所週知的問題！

來！大家睇一下，看看有沒同感？XDD

香港的攝影風氣

無無聊聊又亂寫下野。開始對香港的攝影界越來越失望。
原因有以下：
一．明明有時見有ｄ相真係影得好靚，但係因為model唔靚或者因為見唔到樣又或者係風景就無人讚。
二．只要model靚，就一定會有一堆人爭住reply話靚。
三．但係就有ｄ人只會睇張相又唔諗住相的構圖加埋人之後的效果
四．影相的男的大部份為媾女，女的大部份為搵錢
五．只要係自己的朋友影的相就一定靚
六．半身大頭再加ｄ blur就一定有人讚
七．加多幾個日文字就更加無得頂
八．影相時，還是口花花人就係大師
九．永遠唔會有人話你知張相有咩好有咩唔好
十．抄得就抄，了無新意。

我眼中對攝影有熱誠的攝影師，應該是：
一. 第一要有合適的器材，而又可以充分利用的，最少要有wide, tele, marco。
二. 除了女人，除了美女，還會影別的
三. 影相不是生命，但相片如同自己孩子
四. 不會當model是明星，尊重model是因為她的演技而不是美麗，特別是年輕
五. 不會四圍識女仔話影相，查實是想約會和試驗對方是否可以"玩一下"
六. 不會join model影迷會
七. 不會只識影大頭半身的標準美女相，如果影人像，影到純真的小孩比影到美女大頭相高興
八. 追求自我進步，不是追求新鮮
九. 尊重版權
十. 明白一個人攝影的樂趣，攝影不是柴娃娃活動

懶工出貨

中國人有句名句：慢工出細貨；我就懶工出貨，終於執起兩組相勒，慢用~~^^

閃燈真用得麻麻，今年要練多D至得

全組相去呢度睇啦Esther

近年好少join影會function，呢個係其中一次

全組相去呢度睇啦sundaymodel-event

新春快樂

話咁快又一年，近年尾識左好多朋友~~^^

今年冇影新春相，用番舊相~~hehe

MACWORLD新品

intel cpu的mac，意料之內，但想唔到唔係出ibook、mac mini，而係macbook pro同Imac！！重唸住入門級電腦買啊黎用添。又要等！@@

同場加影新版軟件─Iweb。

Macbook pro, Imac, Ilife

MACWORLD

仲有幾日就到MACWORLD大展，好心急，因為Apple用新cpu的機種可能在呢次展覽中發佈，非常緊張，因為我心動嘛~~~嘻！！

06年前的新作

前文講過好心人帶我一齊影相，呢張相係其中一輯的。因為係黐相影，不敢太造次，成績算勉強可以吧~~~^^

感謝

05年岩岩完左，在自己地頭，要多謝上年各位攝影新進咁照顧我，久唔久叫埋我一齊去影相。您知嘛，在呢個新世代既MODEL(其實都有點過譽)，個個都現實了點，想好似以前咁開開心心影相都太難了，所以真係好感謝各位攝影新進既關顧~~^^